Close

Chapchar Kut

Start : 07/03/2025 End : 07/03/2025

Venue : Thuamluaia Mual

Chapchar Kut hi Mizote kut (cultural festival) zinga ngaihhlut hlawh leh kan lawm nasat ber a ni a. Kum tin March thla Zirtawpni hmasa berah hman ṭhin niin, Mizoram khawpui leh district hmunpui hrang hrang bakah, khaw hrang hrangah Kut lawmna hi buatsaih ṭhin a ni a. Hnam ziarang tar lang thei hnam thuam chi hrang hranga inthuamin, Kut hmang turin mipui an fuan khawm ṭhin a. Zai leh lam leh item hrang hrang a awm bakah, Kut lawmna hmunah hian stall eng emaw zat buatsaih ṭhin a ni a. Lungleia Chapchar Kut 2025 hmannaah pawh hian One District One Product (ODOP) stall buatsaih tum niin, balhla bakah, balhla aṭanga thil siam chhuah chi hrang hrang – banana juice, banana chips, banana flour leh a dangte chu tlawm taka lei theih turin chhawp chhuah a ni ang. I tan liau liauva ei tur tui, thianghlim leh hrisel – balhla leh balhla aṭanga thil siam kan chhawp chhuahte hi rawn lei ve ngei ang che.