Menu Toggle
Belhchhahna
Close

DC Office

Deputy Commissioner Office, Lunglei hi chak zawk leh tha zawka hna thawh a nih theih nan hlawm hrang hrang ah then a ni a. Officer-te hian he hlawm hrang hrang thenah hian mawhphurhna pawimawh tak neiin an enkawl a ni :-

  1. Establishment Branch: Establishment Branch hnathawh tlangpui chu thawktu lak(recruitment of staff), hna chungchang leh thawktu chi hrang hrang pension kaihhnawih thil te, training & a tul huna dan thu chhuah chung chang. He Branch hian Sawrkar thu chhuah leh tih tuir a tih te bawhzuiin, hma latu tura ruat te nen an thawk bawk.
  2. Stationery Branch: He Branch hi chuan nitina Office ina hna thawhna atana stationery thil hrang hrang a mamawh te ngaituahin, office khawl hrang hrang enkawl te, tui/electric/telephone/chanchin bu lak leh a bill pek thlengin a buaipui thin.
  3. Land & Building Branch: Office Building leh Quarter-te enkawl leh a tul anga siam ngaite siam that hna a thawk a. Hei bakah hian In luah man te hemi chungchanga lehkha pawimawh leh hma lakna tur hrang hrang ah mawhphurhna a la bawk.
  4. Vehicle Branch: Vehicle Branch hi chuan DC Lunglei hnuaia Lirthei(Department motor) lei, siam leh enkawl hna a thawk ber a. POL chungchang leh Election hunlai leh hun pawimawh tak tak(Emergency) a lirthei hman tur a ngaihtuah thin bawk.
  5. ILP Branch: ILP Branch hian Inner Line Permit siam leh he phalna(permit) neia District chhunga ram pawn mi chhan hrang hrang vanga rawn awmte enkawl hna a thawk a. ILP hi thla ruk(6) chhung dama siam thin a ni a, permit a thih dawn ah a ngai ringin vawi hnih a tih nun thar theih a ni.
  6. Arms Branch: Arms Branch chuan Arms license ther pekchhuah te, a hlui tih thar leh te, arms registration te leh enkawl theih dan hrilhhriat leh phalna pek te an ti thin a. Tih he branch hian puak thei thil hrim hrim hman leh kawl phalna te an pe thei a, tin hei bakah hian silai kan zir phalna(practice Firing) sipai ho tan a siam sak thei bawk.
  7. Nazarat Branch : An ni Branch hi chuan Account thil hrim hrim sawrkar kaihhnawih te an enkawl deuh ber a, Budget siam te, ennawn a ngaiha ennawn te, sum hmanralna ziah fel leh hunbi nei a thehluhna hmun Sawrkara thehluh te an ti thin a. Professional Tax te sawrkar hnathawk hnen atanga la khawmin Sawrkar kutah a hlan thin a ni. Sum hman dan enfiahna (Audit note) te a siam thin a, hei bakah hian Sub-Division hnen ah LOC a pe chhuak thin bawk.
  8. Census Branch: Census Branch hi chuan ram chhung a mihring cheng zat chhiarna(Census) a enkawl ber a. Scheduled Caste/Schedules Tribe/Income/Residential Certificates te pe chhuak thinin a dilna lehkha(Form) hi an kawl reng bawk a ni.
  9. Planning Branch: Ram hmasawnna tura ruahmanna siamin theihtawpin hna an thawk thin a. High Powered Committee te kal tlangin Lunglei District State hrang hrang leh District Level Committee te hma sawnna tuin an thawk thin.
  10. D.M.R. Branch: Chhiat tawhna thleng thei hrang hranga invenna leh in enkawlna turin anni hian ram tan hna an thawk thin a. chhiat tawkte chhawmdawlna leh enkawl kawngah theihtawp chhuah in hma an la thin a ni. Ruahsur avanga tui liante,lei min tem rial vanga in chhia te, kangmei avanga harsatna tawkte leh thil tang a chhiat rupna thlenna ah theihtawp chhuahin hna an thawk a, DMR Directorate atanga Silpaulin an dawnte chu mamawh apiangte hman atan an pe chhuak thin.
  11. District Forum: Harsatna leh sawiselna(Complaints) hrang hrang te anni branch ah hian thehluh thin a ni a, anni hian lo ngaihtuah in chung harsatna te chu an lo ching fel thin a ni. He hna hi tha taka chatlak awm lova kal pui reng a ni a. Kum tinin hetiang buaina(case) tam tak hi chingel thin a ni. Hei bakah hian a tul dan ang zelin invenna leh thuchhuah(Prohibitory orders) an chhuah thin bawk.
  12. Circuit House Branch: Lunglei Circuit House ah hian VIP Room pathum, Khum pahih awmna room pariat, khum pakhat awmna room pariat leh Dormitory(room pakhata khum pasarih awmna)pakhat a awm a. Heng room luah hawh tur hian hauh lawk a ngai a, Circuit House Branch hian enkawl hna thawkin, room luah man te hi Nazarat Branch kaltlangin Sawrkar ah an thehlut thin a ni.
  13. Protocol & Hospitality Branch : He Branch hian sawrkar ni pawimawh leh hun pawimawh te lawm dan leh hun hman dan tur te buaipuiin, anni ruahmanna hian State leh National program pawimawh te(Independence Day, Republic Day, Teachers Day, National Integration Week, Energy Conservation Day, etc.) hman thin a ni. Tin, Sawrkar lama mi pawimawh leh ram hruaitu te lo kal in a lo dawnsawn leh hun hman dan tur te an lo ruat fel thin bawk.
  14. NLUP Branch: NLUP Branch hian NLUP ina a kaihhnawih Department te nena tang hovin he hna kal dan leh ruahmanna bakah enfiahna hna an thawk thin a ni.
  15. Confidential Branch: Anni Branch hian thil pawimawh, a bik takin thu pawimawh zual(Confidential) te an enkawl a ni.
  16. Election Branch: Election branch hi DC enkawlna hnuaiah awmin, DC hian District Election Officer nihna a chelh bawk, anni hian Photo Electoral Roll leh a kaihhniawh thil zawng zawng bakah Village Council inthlan, State Legislature leh Lok Sabha inthlan te an kaihhruaina hnuaiah neih thin a ni.