DRDA

LUGLEI DISTRICT RURAL DEVELOPMENT AGENCY CHANCHIN TAWI:

District Rural Development Agency Lunglei hi, 1981 khan Indian Society Registration Act, 1860 tlawhchhana Lunglei District a din a ni. District huamchhunga Thingtlang hmun hrang hranga, retheihna chawichhuahna tura ruahmanna kawng hrang hrang, Mahatma Gandhi National Rural Employment Guarantee Scheme (MGNREGS), Pradhan Mantru Awaas Yojona – Gramin (PMAY-G) te Pradhan Mantra Krishi Sinchayee Yojana-WD (PMKSY-WD) te a hma la-a hnathawkktu bulpui ber a ni.

DRDA Lunglei hi, Mizoram Civil Service, Additional Deputy Commissioner chinin a awp a, Project Director DRDA tih a ni. Office hna hi hlawm lian tak tak hlawm thumah hetiang hian then a ni:- Technical Wing, Monitoring Wing leh Account Wing te an ni. MGNREGS te PNKSY (WD) hna thawk tur hian a hranpain mi rawih belh an ni a, chungte chu DRDA Office Lungleiah dah thin an ni.

RUAHMANNA KAWNG HRANG HRANG, DRDA LUNGLEI DISTRCIT-IN A TIHPUITLIN THIN TE:

1. Mahatma Gandhi National Rural Employment Guarantee Act (MGNREGA): Thingtlanga In tin a mi, mi puitling chin ten kut hna thawka inhlawha hma an lo sawn theih nan financial kum khat zel atan ni za (100) chhung inhlawkfakna siam sak thin an ni. Heng an hna thawh tur te hian, lei min tur venna kawnga hmalak te, kar kawng siam te, tui in tur vawnthat leh humhim te, tui in tur siam chhuahte, lo, huan leh leilet siam te a huam tel vek a ni. Heng hna pawimawh tak tak te hi Block Development Officer (BDO), Programme Officer tia he hna (MGNERGA) ruahmanna atan a an vuahte hian, anmahni Block huamchhung chin an enkawl thin a. He hna enkawlnaah hian BDO te chauhvina enkawl mai lovin, khawtina VC member te nen anmahni khaw huamchhung theuhvah an thawkho thin a ni.
   Lunglei Districtah hian Block pali (4) an awma, chungte chu, Lunglei Block, Lungsen Block, Hnahtial Block leh Bunghmun Block te an ni a, Job Card hi 36112 zet a awm bawk a ni.
2. Pradhan Mantri Awaas Yojana-Gramin (PMAY-G): He ruahmanna tha tak mai hian, thingtlang hmuna in chhe rawp taka cheng te, chenna tur in neilo hrim hrimte, in sak saka chenna tur in nuam zawk siam sak te a huam a. Sawrkar hian miharsa te hi a ngaihtuah em em a, kum 2022 ah chuan heng thingtlang zawka cheng mi harsa zual, in neilo te in sak sak vek a tum hial a ni. Insak tanpuina hi tlang ramah chuan cheng nuai khat leh sing thum ( Rs 1.3 lakhs) thleng a pek theih a, chutih laiin phaizawl lam a mi te tan chuan cheng nuaikhat leh singhnih (Rs 1.2 lakhs) thleng a tanpui theih an ni thung. Tunah hian Lunglei district chhungah hian in 451 sak tura sum pekchhuah tawh a ni a, in sak tur len zawng hi, 25 sq.m a ni tur a ni thung.
3. Pradhan Mantri Krishi Sanchayee Yojana-WD (PMKSY-WD) : He hna ruahmanna in a tum ber chu, leilung leh a chhunga cheng zawng zawng te inkungkaihna tha tak siam chhuah thar leh te a ni a, entir nan leilung luangral tur ven te, thlai leh tui mamawh tawk ang tur siamchhuah leh venhim te hi he ruahmanna hian tih puitlin a tum a ni. Leilung luang ral mai mai tur leh lei min thei min mai tura laka humhim te, leilung awm dan ngai ang tura thlai leh ramngaw humhalh te, ruahtui khawl that te leh tui hnar kang chat mai tur te, hna tha zawk an neih theih zel theih nan te nasa takin hma a la a ni. Heng hian tih dan phung a thlakthleng sak thei anga, kalphung nghet tak neiin lo, leilet leh huan thlai siam te nasa takin a tanpui anga, thingtlanga cheng, kuthnathawk te pawh nasa taka tanpuiin nuamsa zawka an khawsak theih nana ruamhmanna tihpuitlin a tum a ni.

 PROJECT PROFILE OF PMKSY(WD) : LUNGLEI DISTRICT