Animal Husbandry

1962 hma kha chuan Animal Husbandry & Veterinary department hi Community Block hnuaiah a awm thin a, 01. April 1962 atang khan Sub-Divisional A. H & Vety, Office a hlankai niin, 24. August 1977 phei chuan District Animal Husbandry & Veterinary Officer-ah siam len chhoh a ni ta a ni. Ran natna enkawl te, ran tha leh tam zawk vulha eizawnna tling zawka hmalak dan mipui hnena zirtirna te leh ran chi tha zawk tharchhuakna kawnga hmalak te hi he departmentin a tum bulpui ber te an ni.

Lunglei hmun laili Chanmari vengah A.H & Vety Officer, Office building changtlung tak neih chhoh mek zel a ni a. Lunglei farm vengah Joint Director, Southern Zone Office hun niin, Lungpher Lunglei hmunah Principal, School of Vety Science a awm. Tin, Vawk vulhna hmun leh Bawng chi inthlah pung tura Bawng vulhna hmun pawh Lungpher ah hian a awm bawka, vawiin ni thleng hian uluk taka enkawl chhoh zel an la ni.

Department Hnathawh Hlawhtlinpuite:

A. Veterinary Science:

• Lunglei District ah hian A.H & Veterinary Deparment hian Veterinary Hospital pakhat (1 No), Veterinary Dispensary panga ( 5 Nos), Rural Animal Health Centres sawmpakua (19 Nos) a awm meka, heng Hospital te, Dispensary te leh Rural Animal Health Centre te hi, Vety Doctor thiam tak tak te leh staff ten an vil reng bawk a ni. Ran te, damdawi hmanga enkawlte, natna hri lak a tanga venhim te leh hrisel tha zawk an lo nih theih nana enkawl hi a tum bulpui ber chu a ni. Mizoram Regulation of Animal Movement Act 2000 dan tlawhchhanin, Lunglei district huamchhungah ramdang a tanga ran lo lut turte lo enfiahna hmun Tlabung khuaah siam a ni.
• Veterinary Extension Education:
  Department hian hmalakna zau zawk leh mipui tan inzirtirna leh hmasawn zelna tura tha nia a hriat avangin Ar-va vulh dan te leh Vawk vulh leh Bawng vulh dan chungchang training hi a buatsaih fo thin a ni.

B. Animal Husbandry:

1. District Poultry Farm (Ar vulhna hmun):
   Ar chi hrang hrang, Rhode Island Red (RIP), White Leg Horn te Kuroiler Layer te he hmunah hian vulh a niin mipui hnenah vulh turin sem chhuah thin a ni.
2. Cattle Breeding Farm: (Bawng Vulhna):
   Hetah hian Jersey leh Holstein chi te vulh an ni. He farm siamna chhan pawimawh tak chu, Bawng vulh leh inthlahchhawn tir kawnga hmasawnna dan tur mipui vantlang hrilh hriat te leh an hnute tui hlawk zawka thar chhuah dan tur inkawhhmuhna leh zirtirna tur a ni. Bawnghnute thar chhuah te hi mipui hnenah sem chhuah thin a ni bawk.
3. Piggery Demonstration Farm:
   Hemi hmunah hian Yorhshire leh Landrace chi vulh an ni a, Landrace chi hi tualchhung vawk te kahrai nan hman thin a ni. Vawk Note te hi man tlawm zawkin vawk vulhtu te hnenah hralh thin a ni. Hmanlai tualchhung vawk (Zovawk) he hmunah hian a chi a mang loh nan vulh tel a ni bawk.
4. Integrated Dary Development Plan:
   Bawnghnute tihthianghlimna hmun siam a ni a, hei hian mipuite’n Bawnghnute thianghlim zawk an lo neih theih nan a duan a ni. Hei hi hlawhtling taka kalpui zel niin, nitin 7100 litres mipui hnenah hralhchhuah thin a ni bawk.

Ruahmanna/Hmachhawp:

A.H & Vety hian Hlumte khua a 34 Unit ten vawk vulhnaa an sensona tur Rs nuai sawm (10 lakhs) sawrkar hnenah, HPC Vice Chairman, Lunglei kaltlangin kum 2010, Febraury thla khan a lo thehlut tawh a ni. Tin, Department hian Sa talhna hmun tur leh Dairy Development Project tih changtlunna tur hi sawrkarah a thehlut tawha, sawrkar phalna nghah mek a ni.

RTI ACT:

ASPIO – 1) District A.H.& Vety Officer, Lunglei. 2) Vety Assistant Surgeon, Lungsen.