Success story of ODOP product

1) RAFA Pro-Biotic Juice (Banana Juice) :

RAFA Pro Biotic juice hi Theiriat, Lunglei district a awm a ni a, chhungkaw hmalakna niin kum engemaw zat kalta atang khan Mizoram a thei thar te sawngbawl  a zawrh chhuah hi an tum ber a ni a, an mahni thlai thar bakah khaw hrnag hrang atanga thei vanglai in an lei khawm thin a, chung chu Juice-ah siam chhuak turin home scale ah hma an la nasa hle a experiment vawi tam tak an kalpui hnuah kum 2024 October thla khan thei chi hrang hrang 12 atangin Juice tui tak final product an siam chhuak thei a ni

RAFA Pro Biotic Juice hi ni 18th October, 2024 khan Pu B. Lalzarzova MHS District Horticulture Officer, Lunglei chuan mipui te lei theih turin tlangzarhna hun a hmang a Lunglei District a kan thei thar a fresh a hralh zawh vek theih loh te juice tui tak a siam chhuak thei kan nei hi DHO,Lunglei chuan lawmawm a ti a, vawi tam tak juice siam tur hian thei hrang hrang leikhawm in an bei nasa a hetiang a hlawhtlinna an nei thei hi a lawmawm hle a ni.

He  Programme-ah hian  DHO Staff te bakah Pu R.Lalthanmawia, President,Lunglei District Dragon Fruit Growers Association, Pu R. Lalrambeiseia , District Co-ordinator, NEIDA Lunglei District ten an telpui a ni         

RAFA Pro Biotic Juice hian an mahni huanah Balhla kung 200 neiin, huan hmuh hnihah an enkawl a, a rah hralh na lamah hian harsat chang a awm ṭhin vang leh hralh chhuah atana rah hmel mawi lo deuh a tam avangin ngaihdan dang neiin juice siam a bul ṭan turin thutlukna an siam a. Hetiang a hmalak alo nih takah chuan balhla thar tu te tan hralhna kawngah nasa tak in an puih theih phah a, alawmawm tak zet a ni.      

Banana juice siam chhuah te hi Lunglei chhung dawr 5-ah te hralh tura pek chhuah ani a, a umna lam an la neih tam loh vangin duh angin an siam chhuak tam thei rih lova. Local market-ah an product te an supply bakah hian Lunglei Music Festival te, Exhibition Saikuti Hall, Winter Fest Saikuti Hall leh Winter Fest, Lunglei ah te Juice hi zawrh chuan thin niin  mipuiin an hlut sak em em a ni.

Juice hi Bottle khat 750ml  niin ₹350/- a hralh chhuah a ni a, an siam chhuah atanga thla 3 chhungin Bottle 3000 Nos vel hralh chhuah tawh a ni. An product hi Lunglei khaw chhung mai bakah district dangte pawn rawn hmelhriat tannin Aizawl lam atangin pawhin demand a awm chho mek a ni.

2) Pachuau Banana Chips :

Pachuau Banana Chips hi, Kum 2023 October atangin an siam tana.A tir chuan mahni ei turin an siam chhin a, chuta tang chuan hralh chhuah theih tura siamdan kawng an ngaihtuah ta a. Mahse hmun hrang hrangah Heting Chips hi siam tam tak an awm avangin, mi siam ang nilo leh midang aia danglamna nei turin ngaihtuahna an seng nasa hle a. Vawi tam tak an tihdan an thlak a, Balhla pawh an siam Chhinna lamah tam tak hralh tlak lohin an chhuah a, beidawng lovin a tha leh tui, awmrei thei tura siam dan an ngaihtuah in an bei tang tang a. Tichuan tuna an siam ang hi an lo hmu chhuak ta a ni. Duhthusam 100 % erawh ala ni chiah lo a, tun aia lang mawihnai leh quality zawk  siam turin ngaihtuahna an seng in an la enchhin  reng a ni .

Pachuau Banana Chips hi hmung danga kan hmuh Banana Chips nen hian a danglam bik em em a, a Design a danglam phawt a, a Taste(tui bikna) hi an  danglamna ber chu a ni. A thak (spicy) te, a al thakte (Salt & Crispy) leh a  al (plain salted) ringawtte an siam phawt a. A ram,(Crunchy) hmek a, a dah rei theih em em bawk a ni.

3) Bawbawihi Food Processing :

Bawbawihi food processing, Lunglawn, Lunglei district hi kum 2016 atang in bul tan niin Mizo thlai thar chhuah chi hrang hrang atangin pickle chi hrang hrang leh, powder te a siamchhuak a, Lunglei District-ah chuan Pickle leh Processed Food siam hlawhtling ber pawl a ni a, a product te hi Exhibition leh Festival Programme hrang hrangah pho chhuak thin tur a sawm a nih thin angin Lunglei District mai bakah Aizawl thleng a Events awmah te a inpho chhuak thin.

A product neih te chu Local vegetable Pickle, Chilli Pickle, Chilli Dry Flakes, Chilli Chips, Ginger Candy te an ni a, heng bakah hian Banana Powder / Flour hi a product neih thar niin Restaurant hrang hrangah soup leh eitur sawngbawl nan atangkai hle a ni. Tunah hian  Lunglei a Balhla thar chhuah te Raw material a hmangin Banana Powder hi changtlung tak a Product nei turin hma a la mek zel a ni. Bawbawihi Food Processing Product te hi local vendor bakah District hrang hrang leh State pawnah te hralh chhuah thin a ni.