Information / Reports about the ODOP Product, brand identity of ODOP Product

List of ODOP Product
RAFA Pro Biotic Juice :
Type of Product : Banana Juice
Contact No : 7005 430 399 & 7005 466 565
Pachuau Banana Chips
Type of Product : Banana Chips – Plain salted & Spicy
Contact No : 7628 975 939
Babawihi Food Processing
Type of Product : Banana Powder
Contact No : 8413 934 641
Detail Information about  ODOP Product and Brand identity

            Pachuau Banana Chips Production report : Kum 2023 October thla atangin Blahla chip siam hi chhungkua in bul kan tan a,  Mizoram hmun hrang hrang a Balhla chip siam te kan zir chiang hmasa a, Lunglei khaw chhungah Balhla chip siam regular an awm loh avangin chhungkaw sum lak luhna tha tak a nih kan beisei a Balhla hi Lunglei District-ah pawh an thar that avangin raw material hi hmuh a harsa lova. Balhla chips siam nan hian balhla hel hrisel tha hman a ni a, Rangte, Serte, Thiltlang leh Lunglei khaw chhung a Balhla  kan lei khawm a Balhla hel kuang khat hi Rs 3-5 in kan lei thin.

            Balhla Chips kan siam dan leh sawngbawldan tlangpui hetiang hi a ni –
Balhla rah puitling la hel chu a kawr kheh hnuah  kan duh ang size leh shape in manual in kan chan (Slice) a.
Balhla slice te hi ni sa ah kan pho ro (sun dry) a, a tawk chiah a pho ro a ngaih avangin vil ngun a ngai hle a ni.
Balhla slice pho ro sa hi bawlhlo chi hrang hrang nen chawhpawlhin tel saah kan kang (fry) nghal a, tel mawm zual te tih thlithlawr hnuah bawlhlo (taste maker) kan pawlh leh thin a ni.
Flavour chi hnih ah kan siam a a thak (Spicy) leh a thak lo (Plain salted) in kan siam
Kan chips siam te hi manual a pack in label kan dah leh vek thin a ni.
1 Pkt hi Rs 20/- in kan hralh thin.
Banana Chips siam hi a hautak a vangin chhungkua in kan buaipui bakah hlawhfa lak belh chang kan nei bawk.
Tunah hian kan product hi Lunglei Market-ah kan hralh mek a, dawr hrang hrangah sample test neih mek niin Aizawl atang pawhin demand kan dawng tan tawh a ni.
Kan product hi Mizo Banana chips mi hrnag hrangin an siam te nen a khaikhin pawhin a taste-ah danglamna a awm bakah a ram (crispy) na hi a daih rei bikin kan hria a, changtlung leh zual a hmalak mek a ni
Report submitted by Pachuau Banana Chips Production

            Bawbawihi Food Procssing : Kum 2016 atang in bul ka tan a, Mizo thlai thar chhuah chi hrang hrang atangin pickle chi hrang hrang leh powder te ka siam a, ka product te hi Exhibition leh Festival Programme hrang hrangah pho chhuak thin tur a sawm ka nih angin Lunglei District mai bakah Aizawl thleng a Events awmah te ka pho chhuak thin.

            Ka product neih te chu Local vegetable Pickle, Chilli Pickle, Chilli Dry Flakes, Chilli Chips, Ginger Candy te an ni a, heng bakah hian Banana Powder / Flour hi ka product neih thar niin Restaurant hrang hrangah soup leh eitur sawngbawl nan an hmang tangkai hle a ni. Tunah hian  Lunglei a Balhla thar chhuah te Raw material a hmangin Banana Powder hi changtlung tak a Product nei turin hma ka la mek zel a ni. Ka Product te hi local vendor bakah District hrang hrang leh State pawnah te ka hralh chhuak thin.

            Banana Flour  ka siam dan tlangpui chu hetiang hi a ni –
Banana Flour siam nan Balhla hel, rah puitling a tha be a, Lunglei District chhunga Balhla thar te ka lei khawm thin.
Balhla kawr kheh hnuah ka chan (Slice) a, ni saah ka pho ro a kar 1 atang kar 2 chhung te pho a ngai thin.
Duh ang taka kan pho ro hnuah kan her dip leh thin.
Kan Balhla her dip te chi kan hri (sieve) leh a, uluk takin kan pack leh a.
Balhla Powder hi Chawhmeh soup leh Gravy siam nan te leh Banana Drinks siam nan te a tangkai em em a, hei bakah hian Fiber a paitamin Potassium leh Vitamin a pai tel a, Zunthlum tan chaw tha tak a ni.
Lunglei ah Banana Flour siam ve dang an la awm loh avangin hralh a kal in demand a tha a hei hian min ti phur hle bawk a ni.
Report submitted by Bawbawihi Food Processing

            RAFA Biotic Juice  : Kum engemaw zat kalta atang khan Mizoram a thei thar te sawngbawl  a zawrh chhuah hi ka tum ber a ni a, kan thlai thar bakah khaw hrnag hrang atanga thei vanglai in kan lei khawm thin a, chung chu Juice-ah siam chhuak turin home scale ah hma kan la nasa hle a experiment vawi tam tak an kalpui hnuah kum 2024 October thla khan thei chi hrang hrang 12 atangin Juice tui tak final product kan siam chhuak thei ta a ni

            Balhla hi a rah hralh na lamah hian harsat chang a awm ṭhin vang leh hralh chhuah atana rah hmel mawi lo deuh a tam avangin a juice a siam a bul ṭan turin thutlukna ka siam a. Hetiang a hmalak alo nih takah chuan balhla thar tu te tan hralhna kawngah nasa tak in ka puih theih phah bawk a, alawmawm tak zet a ni.      

             Banana juice hi Lunglei chhung dawr 5-ah te hralh turin ka pek chhuah a, a umna lam ka la neih tam loh vangin duh angin ka siam chhuak tam thei rih lova. Local market-ah kan product te kan supply bakah hian Lunglei Music Festival te, Exhibition Saikuti Hall, Winter Fest Saikuti Hall leh Winter Fest, Lunglei ah te Juice hi zawrh chuan thin niin  mipuiin min hlut sak em em a ni.

            Juice hi Bottle khat 750ml  niin ₹350/- a hralh chhuah a ni a, an siam chhuah atanga thla 3 chhungin Bottle 3000 Nos vel hralh chhuah tawh a ni. An product hi Lunglei khaw chhung mai bakah district dangte pawn rawn hmelhriat tannin Aizawl lam atangin pawhin demand a awm chho mek a ni.

            Balhla Juice ka siam dan tlangpui chu hetiang hi a ni –
Balhla hi keimahni thar chhuah leh veng chhung ami bakah Vanhne lam atang te a lei thin a ni
A kawr kheh hnuah balhla chu silfai (sanitized) vek thin.
Litre 15 bur ah kg 5 zelin ka um thin.
Chini leh a sawngbawlna hmanrua nen um in Ni 15-20  hnuah atak paihin clarifier tih ṭan a ni. Clarifier hi ni 30-45 chhung neih a ni.

Report submitted by RFA Pro Biotic Juice